وصفة صحراوية جد فعالة للرجلين.. جربوها اوردو عليا

السلام عليكم الغزالات

اليوم غنقدم ليكم واحد الوصفة خطيييرة كتخلي الرجلين كيحمقو

المكونات 

الصابوم البلدي

الخميرة المعجونة

التحميرة يعني الفلفل الاحمر

الطريقة

 كندوبو الخميرة فشووووووية دالما نخليوها تخمر غير شوية ونخلطوها معا التحميرة والصابون البلدي وندهنو رجلينا بالخليط ونلبسوهوم پلاستيكات ثم تقيشرات

ونشقاو شي نصف ساعة غتلاحظو انا رجليكوم كيعرقو من بعد نصف ساعة دخلو للحمام ورشو رجيلاتكوم بماء سخون وحكوهوم بالحجرة الخاصة بالڭدام والضفار بالشيتة حت اكيد غيدخل ليهوم الخليط وفي الاخير شللوهوم وعاودو بشوية الصابون والماء ونشفوهوم ودهنوهوم باي مرطب عندكوم انا كنفضل عزيزي الڤازلين ولبسوهوم تقيشرات وكملو على شقاكوم.
هاد العملية ديروها 2 مرات في الاسبوع وغتلاحظو ان الرجيلات ولاو رطبييييييييييييين وحميمريييييييييييييين ولي عندها تشققات غيبداو يتحيدو لكن مع

اي وصفة كتخصها المداومة باش تعطي النتيجة